有感而發
疫情前,被隻乸強迫參加渣打10K,萬般不願意下都參加了,最後抽籤抽中,唯有練下啦,年紀唔細,老實講,都驚唔得,又怕辛苦
到公園練跑唔知有冇4次,疫情到來,一切停止,那數年間同好多人一樣,愛上效遊行山活動,戶外活動多了,身體也感覺強壯起來
2022年渣馬宣復辦,那就正正式式,由運動場正式開始練,反而有些期待
得三個月時間,由只能夠跑到2K左右,到出賽前最耐果次練都只是跑到8K多些,大約得12次左右的極少練習量,真係驚失敗
2023年渣馬當天,要打真軍了,順利完成,雖然跑得慢,但第一次跑足10K,好鬼興奮,不過都係幾累,第2日晚都未回復全部HP,當然雙腳肌肉酸痛都真係持續起碼3天
心紅起來下定決心,2024再玩,而期間都有參加其他長跑賽,3K5K7K都有玩,練習量其實每星期多數都係一次,多極都係兩次,而自已狀態也非常不隠定,可能都還是新手,練都係3-8K不等,也經常都係出發時興奮,臨門就又痛又抽等等問題,不算有太大進步
近年尾時間,直到有新成員加入練習,人多左,心機大左,確實係有點進步,又買鞋又錶,平時多左留意這種運動資訊,喜觀呢個運動WO,又過左好似冇一季,又多位成員加入一齊練,而他也是有不錯經驗人士,帶著我們練,一切變得順暢
一路練習,開開心心來到2024渣馬10K當天,目標早已定下要快過上年時間,結果當然順利完成,賽後驚喜地有沒想過的家庭成員來打氣,好感恩,也有成就感
賽後不久,好似一個月左右,又多位成員加入,強呀,熱鬧起來,每個星期最期待就是放工一起練習,平時吹水也離不開跑步,血也熱了!再過數月,多一位女將加入,我隻乸就緊係開心,叫做有女仔倍佢,大家話題更多,更嘈,人也年輕起來,有時候又會叫埋各自的朋友來跑下,雖然他們沒有正式加入,當是認識新朋又也不錯,我人也開朗左
人多了,每次練都好開心,好似出來玩咁,而每次練跑距離也越來越長,經常都會練過10K,有時候假日都會相約出來練習,假日時間充足,跑距更長,雄心壯志,一起參加不同的比賽也開始成為大家討論的議題,到決定參加2025的渣馬,居然去報半馬,真係連父母也嚇親
半馬也抽中,假日出去練的日子也變得成為一種希望,很快地,跑步群組也正式變為8人了,雖然平常練習是很難齊人,但大家溝通多左,跑步的衫褲鞋襪到拉筋等都是常話題,算是一個RUNNING TEM了,雖然還未有隊服,但大家還是向著[比作天的自己更快]這目標進發
2025的渣馬完成,創出比練習時更快的時間,有15分鐘以上,最有趣是比賽期間,能量補充GEL也食了三條,只是半馬距離,食三條是因為怕自己過不了平時較小練習的斜路及跑出西隧的魔鬼路段,結果靠著啫喱的力量,輕鬆克服9成斜路,斜路還能小量加速,真係自己都驚
長跑只是練了近兩年半,幾十年人生來講其實運動量算少,近半百的年紀,退化中的膝關節,加上近年不為人知的際遇,衝線過後,手拿奬牌,係有一刻鼻子想酸一酸,2:30內完成,應該是正常人的範圍,這樣真係夠自己開心,對於弱弱體質的我來說,應該對得住[他們]了
身體覺得強壯了,跑完回氣又快,現在跑完10K都唔會覺累,對於這樣的身體變化很有趣,比已往玩的運動,進步很明顯,大推這項運動
今年目標是跑10K要1小時內完,成,呢個真係不易,當然,半馬練習也望能只吃一條GEL就能2:30內完成,練習量要加呀
我們團隊的目標都很明確,望今年內能完成,我到時再分享
沒有留言:
張貼留言