2008 大阪+北海道 遊記 Day 5

旅程的第５日，也是最凍的一日 ，重有好多飄雪falling down~


又係一早落去浸下個露天溫泉，真係好少人，除了我同老婆外，還有兩位女人，唔記得講添，這個溫泉是男女同浴的，幾正呀！

早餐過後，我地上咗東山滑雪場，當然酒店有車送我地去啦

這天的天氣不好，視野低．．．跟本望唔到羊蹄山．．．真係可惜

離開滑雪場前，發覺有點好細少的雪飄從天而降，我同老婆講，應該係山頂大風，吹咗ｄ較輕的雪落嚟，點知回到酒店，我上咗去５樓餐廳影下面個露天溫泉，影影下，落雪ｂｏｒ，我即刻落樓同老婆玩啦，幾happy呀

雖然天氣唔好，但這天有落雪，真lucky ，不過可能唔夠凍，ｄ雪一落地就溶啦

跟住又坐酒店車回二世古JR站,在這麼遠的一個地方，居然遇到３個港人，吹下水，影下相，跟住撘１點３０幾分果班車，向小樽出發～～～GO!GO!GO!

這班向小樽出發的車都要坐成好似兩個鐘，沿途都係落緊雪，見到一些山區的地方，好靚，而雪也落得比二世古的大，可其壯觀

去到小樽，都３點幾，又把行李存放在駅內locker就出發，氣溫比二世古的更凍，我地先去找ｄ野食，去到八角屋，未開，老細準備中，話５點先開，咁我地唯有在附近的商店街食拉麵，之後去睇下日光日白的小樽運河，影下相，沒什麼特別

跟住當然去睇下手信，買下野，差唔多５點又開始落雪

６點過後，好多商店都關門，天也黑了，回程去小樽運河影夜景，夜晚真係靚好多呀，但真係超凍，又有ｄ風，由於我其中一隻手拿著地圖，都唔駛10分鐘，凍到麻麻地，真係未試過咁凍呀，好彩我地著得夠暖，只覺手及塊面凍，當時還是下著雪，不過比二世古細粒，但大風，雪落地後冇溶，還不停地滾滾下

跟住行去海貓屋食晚餐，諗係食佢個蟹膏意粉，勁可惜．．．佢冇開，唯有下次去小樽時才食啦（都唔知要幾多年後．．．），折返到八角屋食晚餐，入到去，只能坐到５－６個人，好細，兩位年青的師父１男１女同ｄ食客好好傾，臨走前連ｄ食客都會問下我地野，大家用簡單英語交流，氣氛好好

店內貼滿了食客及師父的合照，而其中一張更是ｔｖｂ的飲食節目和味無窮的Ricky,師父用日語問我地是否睇了ｔｖｂ節目所以入來食野（我估佢係咁問），我ｓａｙ　ｎｏ，之後離開這間熱鬧的食店

離開後回到車站，取回行李後回札幌的酒店，由於晚餐吃得不夠飽，本身也特登留肚出去食野，所以出去味之時計台食大大碗拉麵

味之時計台在札幌有多間分店，幸運地我們入住的chisun hotel後街就有一間，入去食吧

食完都係行下”囉臣”，就回酒店，翻到去切咗小小朱古力蛋糕食，正呀

這日係咁多




去相時間～

進入溫泉前有個～溫泉分析書

早餐又是buffet

D意粉幾好味

又買左枝奶奶

超簡單的房間．．．乾乾淨淨就算LU

從房中望出去，今日天氣油麻地

我地問房都睇到溫泉，的一個角落

在滑雪場內，老婆切的雪人

佢好孤獨

如果天氣好，就可以看到這個羊蹄山（以下兩張圖片來自二世古觀光網）

二世古駅內實景相（2008-3-21 15:30）天晴，雪也溶了不少

酒店內的露天溫泉

突然下起雪來

飄在身上的〔星型雪粒〕好靚呀

酒店外貌

酒店對面有個〔甘露泉〕，我地都入咗枝水飲，感覺只是．．．．．．水好凍，但好清

落山去車站

二世古駅

駅內有食店，ｄ咖喱味好香呀

小樽的屋台村紅磚小巷，裏面的八角屋未開．．．

晒魚？？

由於又凍又餓，我地行到去商店街，求其入咗一間，食碗熱辣辣拉麵先

小樽有多間賣硝子制品的店（硝子＝玻璃），這是其中一間，有些店更會教客人自制玻璃飾物

賣音樂盒果度，有多間分店，老婆睇咗幾間，最後在這間才買到心水手信

LeTAO本店，我買左個朱古力蛋糕同老婆食

出抜小路，其實我諗住係呢度食晚餐，但係我地睇唔”上眼”

不同位置的小樽運河夜景，初都小樽時，個天未黑，我地都影咗幾幅相

Dinner：八角屋
八角魚刺身，燒魚皮，白飯一碗及燒扇貝２大隻

八角魚呀，你個樣真係．．．

這燒魚皮我地冇點ｇａ，應該係跟刺身的一個set,我地食完條魚，呀師父仔突然囉出嚟比我地食

小樽駅－外與內

消夜－札幌的味之時計台，勁食!帆立貝牛油拉麵.......好貴,成1千5百幾yen,我碟炒飯算係平平地,600yen
炒飯好香口，炒得幾好，還有碗湯送

有３隻帆立貝，而這隻銀色的湯匙是專用來食粟米的

店外