南生圍---千山萬水之行程

上星期6入帶了我個model入去南生圍影相
從網絡中找了點資料,有幾種方法前往,我選了在元朗西鐵乘小巴去大生圍,再步行去南生圍.........
~到達大生圍村公所 (大約下午1時由元朗西鐵出發)

~附近影色 (老遠來到,影幾張相唔小得)

去到大生圍村公所,就問下d村民點去南生圍,點知佢地話行好遠ga,起碼行2粒鐘!!! 我O晒咀,我從網絡中的資料話行數分鐘wo.....頂!.......扒街!.........冇計,唯有乘回頭車...........................
之後在紅毛橋下車前往下圖的[菜站]

經過3號幹線橋下路,見到有其他生物~影!!!

這天的空氣非常差...,4圍也是煙霞........
在南生圍路行了10幾分鐘,見到有檔頭花,唔好講野,入去食

又熱又焗,食碗凍豆花,正~

吃過豆花後,老細叫我地入去佢個後庭睇下,嘩,有鴨呀

嘩~後庭如此精彩

離開頭花店後,又一直行(南生圍路),今次真係行到死死下,一大條直路,好似冇盡頭咁,大約行了成粒鐘
見到又有士多,入去~~
還境幾好bor,啊婆又好傾,咁飲下汽水,影下相啦

大約又行15分,開始有d野睇,咁我緊係好pro咁影下花,草,及我個model

(用這3倍光學變焦的傻瓜機影景深,死未) (殘花也影一餐...)

發現有fly,又影

好多新人在這裏影婚紗相,佢地連破屋都影

我當然都去玩下啦

發現大怪獸在路中 (嘩,唔怕比人踩死,勁)

行到尾,又有d水腳屋,又有士多,入去影下,不過冇食野

最後點都要比5元佢送我地過河,唔後這條路只有回程...(起碼行多兩粒鐘)
河的闊度大約是這船的長度X2.5 ,超貴呀 ... 點都要比

過了這裏後已冇景好影,步行多20分鐘左右回到元朗西鐵
下次一定要秋天去,及要反方向行 (之前行個2粒鐘南生圍路以後都唔會再行)